Peres Klopp va Xolandni "Real"ning qutqaruvchilari deb biladi

 16 YANVAR, 2026, 13:42

Madridning "Real" klubi uchun kelayotgan yoz voqealarga boy bo'lishi mumkin. Xabar berganimizdek, Florentino Peres "Manchester Siti" hujumchisi Erling Xolandning transferini amalga oshirmoqchi. "Qirollik klubi" prezidenti yulduz norvegiyalik futbolchini "xaloskor" sifatida ko'rmoqda, deya ta'kidlaydi Sky Sport. Qayd etilishicha, "Real" rahbarining hujumchi agenti Rafaela Pimenta bilan muzokaralari allaqachon boshlangan. Biroq, Peres bitim juda murakkab bo'lishini tushunadi.

Xoland bilan birga "Real"ga murabbiy Yurgen Klopp ham kelishi mumkin, uni ham Madrid grandi prezidenti taklif qilishni orzu qilmoqda. Avvalroq, germaniyalik murabbiy kelasi mavsumdan "qaymoqranglilar"ni boshqarishga tayyorligi haqida xabarlar tarqalgan edi.