Flik: «Ehtimol, ular bilan kelasi mavsum La Ligada uchrasharmiz»

 16 YANVAR, 2026, 12:06

"Barselona" bosh murabbiyi Xans-Diter Flik Ispaniya kubogida "Rasing" ustidan qozonilgan g'alabadan so'ng (2:0) raqibning kuchiga baho berdi.

“Joan Garsiya yana maydonga tushdi, chunki u bizning birinchi raqamli darvozabonimiz va u bugun bizga kerak edi. Keyingi Kopa del rey o'yini uchun ko'ramiz, balki u charchagan bo'lsa va dam olishga muhtoj bo'lsa, boshqa birovni maydonga qo'yishimiz mumkin.

Bugungi o'yinga munosabat juda yaxshi edi. Zaxiradan tushgan Fermin bilan juda xursandman.

"Rasing" juda yaxshi edi, ajoyib jamoa. Ehtimol, kelasi mavsum La Ligada ular bilan uchrashamiz.

Albatta, murabbiy sifatida "Real Madrid" bilan nima bo'layotganini ko'rishim kerak edi. Biroq, biz faqat o'zimizga e'tibor qaratamiz", - dedi 60 yoshli nemis mutaxassisi.