Arbeloa mag'lubiyatdan so'ng futbolchilarga nima degani ma'lum bo'ldi

 15 YANVAR, 2026, 18:54

Alvaro Arbeloaning "Real" bosh murabbiyligidagi debyuti omadsiz kechdi - jamoa kutilmaganda "Albasete"ga engilib (2:3), Ispaniya Kubogidan chiqib ketdi.

El Chiringuito dasturida o'yindan so'ng "Real" kiyinish xonasidagi vaziyat xuddi dafn marosimidagidek bo'lgani haqida ma'lumot berildi. Futbolchilar hech narsa demay, faqat boshlarini egib jim turishgan.

Manba ma'lumotiga ko'ra, Arbeloa vaziyatga aralashib, futbolchilarni o'zini qo'lga olishga chaqirgan. Murabbiy bu muvaffaqiyatsizlik uchun o'yinchilar emas, aynan o'zi javobgar ekanligini ta'kidlagan.

17 yanvar shanba kuni "Real" Ispaniya chempionatida "Levante"ga qarshi uy maydonida o'yin o'tkazadi.