Vinisiusning omadsiz davri davom etmoqda

 15 YANVAR, 2026, 08:48

"Real" vingeri Vinisius Junior Ispaniya Kubogi 1/8 finalidan o'rin olgan "Albasete"ga (2:3) qarshi bahsda omadsiz harakat qildi.

Braziliyalik futbolchi madridliklarning asosiy tarkibida maydonga tushdi va to'liq o'yin o'tkazdi. U raqib darvozasiga bitta aniq zarba berdi.

Vinisius "Real" safida so'nggi 18 o'yinda 1 ta gol urgan. 11 yanvar kuni u Ispaniya Superkubogi finalida "Barselona"ga qarshi o'yinda (2:3) gol urdi.

La Ligada vinger mavsumda 19 ta o'yinda 5 ta gol urdi va 5 ta golli uzatmani amalga oshirdi.