"Liverpul" Jo Gomesni sotmaydi, sababi...

 15 YANVAR, 2026, 08:42

"Liverpul" OAVdagi mish-mishlarga qaramay, qishki transferlar vaqtida himoyachi Jo Gomesni sotmaydi.

Football Insider xabariga ko'ra, "qizillar" futbolchining klubdan ehtimoliy transferini bloklaydi. Avvalroq Angliyaning amaldagi chempionlari yanvar oyida futbolchini sotishga tayyor edi, biroq Konor Bredlining jiddiy jarohati tufayli mavsum oxirigacha safdan chiqqani vaziyatni o'zgartirdi. "Liverpul" bosh murabbiyi Aren Slot mavsumning ikkinchi qismida Gomesga tayanadi.

Jo Gomes 2015 yilda "Charlton"dan 5 million evro evaziga "Liverpul"ga o'tgan edi. Uning shartnomasi 2027 yilning 30 iyuniga qadar imzolangan. Joriy mavsumda himoyachi "qizillar" safida barcha musobaqalarda 15 ta o'yinda maydonga tushib, 2 ta golli uzatmani amalga oshirdi.