«Real» Segundada 17-o'rinda borayotgan jamoaga yutqazdi

 15 YANVAR, 2026, 03:18

"Real" bosh murabbiy o'zgarganidan keyingi dastlabki o'yinda mag'lub bo'ldi.

Madridliklar Ispaniya Kubogining 1/8 finalida "Albasete"ga 2:3 hisobida imkoniyatni boy berib, turnirni tark etishdi. "Real" o'yinning 91-daqiqasida hisobni tenglashtirgan bo'lsa, 94-daqiqada yana gol o'tkazib yubordi.

Bu Xabi Alonso iste'foga chiqarilganidan keyin jamoani boshqargan Alvaro Arbeloa boshchiligidagi "Real"ning ilk o'yini bo'ldi.

17 yanvar kuni "Real" La Liganing 20-turida "Levante" bilan o'ynaydi, 20 yanvar kuni esa Chempionlar Ligasida "Monako"ni qabul qiladi.