Nagelsmann «Manchester Yunayted»da ishlashga qiziqish bildirmoqda

 14 YANVAR, 2026, 22:00

Germaniya terma jamoasi bosh murabbiyi Yulian Nagelsmann "Manchester Yunayted"da ishlashga qiziqmoqda.

Jurnalist Pit O'Rurkning ma'lum qilishicha, germaniyalik mutaxassis klublar bilan ishlashga qaytishga qaror qilsa, "qizil iblislar" taklifini ko'rib chiqishi mumkin. Ammo hozir Nagelsmann butun e'tiborini 2026 yilgi jahon chempionatiga tayyorlayotgan Germaniya terma jamoasini boshqarishga qaratgan. Shu bilan birga, murabbiy kelajakda "Manchester Yunayted" murabbiyi lavozimini jozibador deb hisoblamoqda.

Yulian Nagelsmann 2023 yilda Germaniya terma jamoasini qabul qilib oldi. 2025 yilning yanvarida u terma jamoa bilan shartnomasini 2028 yilning yoziga qadar uzaytirgandi.