AQSh JCh-2026'da ishtirok etadigan 4 ta davlat fuqarolariga o'z hududiga kirishni taqiqladi

 14 YANVAR, 2026, 13:24

Gaiti, Eron, Kot-d'Ivuar va Senegal terma jamoalari muxlislari ushbu davlatlar fuqarolarining Amerika Qo'shma Shtatlariga kirishi taqiqlangani sababli 2026 yilgi futbol bo'yicha jahon chempionati o'yinlariga bora olmasligi mumkin. Bu haqda Fox News xabar bermoqda.

AQShga kirishni taqiqlashda istisno faqat o'yinchilar, murabbiylar va rasmiy delegatsiyalarning boshqa a'zolari uchun amal qiladi.

Jahon chempionati - 2026 uchta davlatda bo'lib o'tadi: AQSh, Meksika va Kanada. Turnir 11 iyundan 19 iyulgacha davom etadi.