Frantsiya kubogi. "Marsel" kamdan-kam uchraydigan hisobda g'alaba qozondi

 14 YANVAR, 2026, 03:36

"Marsel" Frantsiya Kubogi 1/16 finalidan o'rin olgan uchrashuvda "Baye"ni yirik hisobda mag'lub etdi - 9:0. O'yin Kanedagi "Mishel D'Ornano" stadionida bo'lib o'tdi.

Provansalliklar forvardi Meyson Grinvud 3 ta gol urib, 2 ta golli uzatmani amalga oshirdi. Shuningdek, Amin Guiri dubl qayd etgan bo'lsa, Nil Mopei, Konrad Jeyden Igan-Rayli, Hamid Traore va Anxel Gomesh bittadan gol urdi.

Frantsiya kubogining 1/8 finalida "Marsel" "Renn"ga qarshi bahs olib boradi. Uchrashuv 3 yoki 4 fevral kuni bo'lib o'tadi.