Xabi Alonsoning rafiqasi uning «Real»dan ketishiga munosabat bildirdi

 13 YANVAR, 2026, 21:54

Madridning «Real» klubi sobiq bosh murabbiyi Xabi Alonsoning rafiqasi Nagore Aranburu turmush o'rtog'ining bosh murabbiylik lavozimini tark etishi haqida fikr bildirdi. Tomonlar o'zaro kelishuv asosida shartnomani bekor qilgani haqida «Qirollik klubi» matbuot xizmati 12 yanvar, dushanba kuni rasman e'lon qildi.

«Bugun biz “Bernabeu” bilan xayrlashyapmiz. Xabi, sen bilan va sening har kungi mehnating bilan juda faxrlanamiz — doim hurmat va sadoqat bilan. Biz bolalar bilan birga har bir qadamda Xabi va klubga hamroh bo'ldik, hayajon va minnatdorlik bilan.

“Bizga ishongan va juda ko'p mehr yuborgan barcha «Real» muxlislariga rahmat. Sizning xabarlaringiz biz uchun juda katta ahamiyatga ega bo'ldi”, — deb yozdi Aranburu ijtimoiy tarmoqdagi sahifasida.