Turkiya kubogi. «Istanbul Bashakshehir» «Boluspor»ni mag'lub etdi. Fayzullaevdan assist (videosharh)

 13 YANVAR, 2026, 21:00

Turkiya kubogi musobaqasi 6-bosqichi "A" guruhining 2-turi doirasida «Istanbul Bashakshehir» o'z maydonida «Boluspor»ni qabul qildi.

Mezbonlar bosh murabbiyi Nuri Shahin asosiy tarkibga o'zbekistonlik ikki futbolchi — Abbos Fayzullaev va Eldor Shomurodovni asosiy tarkibda maydonga tushirdi.

Bahsning 14-daqiqasida Abbos Fayzullaev sariq kartochka oldi. 23-daqiqada esa hamyurtimiz burchak zarbasini amalga oshirdi va Opoku Jerome bosh bilan darvozani ishg'ol qildi.

Birinchi bo'lim so'ngida mehmonlar futbolchisi Usluo'glu hisobni tenglashtirdi.

O'yin tugashiga 6 daqiqa qolganida Nunu Da Koshta "Bashakshehir"ga g'alaba keltiruvchi gol muallifi bo'ldi.

Abbos Fayzullaev 60-daqiqada zaxiraga olingan bo'lsa, Eldor Shomurodov bahs oxirigacha maydonda qoldi.

«Istanbul Bashakshehir» ushbu g'alaba evaziga o'z ochkolarini 3 taga etkazdi va guruhda 3-o'ringa ko'tarilib oldi (guruhda 8 ta jamoa bor).

Turkiya kubogi. "A" guruhi, 2-tur
«Istanbul Bashakshehir» - «Boluspor» - 2:1
Gol: Opoku Jerome (23), Nunu Da Koshta (84) — Usluo'glu (45)

Manba: stadion.uz