Pires "Arsenal" futbolchisini maqtadi

 13 YANVAR, 2026, 17:06

"Arsenal"ning sobiq futbolchisi Robert Pires jamoa futbolchisini maqtadi. Frantsuzning fikricha, yarimhimoyachi Deklan Raysni "kanonirlar"ning eng yaxshi yillardagi etakchilari bilan bir qatorga qo'yish mumkin.

"Agar mavsum oxirida sovrinni ko'tarmoqchi bo'lsang, senga Deklan Rays kabi futbolchi kerak. Senga Patrik Vieyra, Terri Anri, Toni Adams... va Deklan Rays kerak", - deya Piresning so'zlarini keltiradi Goal portali Sky’ga tayanib.

"Arsenal" Angliya premer-ligasida peshqadamlik qilmoqda. Londonliklar 2004 yildan beri birinchi marta mamlakat chempioni bo'lishni kutmoqda. O'shanda jamoa APL mavsumini birorta ham mag'lubiyatsiz o'tkazishga muvaffaq bo'lgandi.