Valdano Arbeloaning "Real" boshqaruviga tayinlanganiga munosabat bildirdi

 13 YANVAR, 2026, 12:00

Madridning "Real" klubi sobiq futbolchisi Xorxe Valdano Xabi Alonso iste'foga chiqarilgach, "qaymoqranglilar" boshqaruviga Alvaro Arbeloa tayinlangani haqida fikr bildirdi.

"Arbeloa klubdagi hamma narsani yaxshi biladi. U ko'p yillardan buyon "Real" tizimida ishlab kelmoqda. Alvaro hozir jamoa kiyinish xonasida nima bo'layotganini juda yaxshi biladi. Kutish va voqealar rivoji qanday davom etishini kuzatish kerak," - deya ekspertning so'zlarini keltiradi Marca gazetasi.

Alonso o'tgan yilning yozidan buyon "qirollik klubi" ustozi sifatida ishlab kelayotgandi. Ispaniyalik mutaxassis qo'l ostidagi so'nggi bahsda "Real" Kataloniyaning "Barselona" jamoasiga 2:3 hisobida imkoniyatni boy berib qo'ygan edi.