Joan Laporta Flikning «Barselona»dagi kelajagi bo'yicha gapirdi

 12 YANVAR, 2026, 21:54

Xans-Diter Flik qo'l ostida "Barselona" hozirgacha 4ta sovrinni qo'lga kiritdi. To'rtinchisi Ispaniya Superkubogi bo'ldi - kecha ushbu turnir finalida "ko'k-anorranglilar" "Real"ni 3:2 hisobida mag'lub etishdi.

O'yindan so'ng "Barselona" prezidenti Joan Laporta jamoa bosh murabbiyi Xans-Diter Flikning kelajagi haqidagi savolga javob qaytardi.

"Xansi Flikning shartnomasi bor va u hali ko'p mavsumlar davomida biz bilan birga bo'ladi. Bizda amaldagi shartnomaga ega ajoyib murabbiy bor. Bu kelishuv yurakdan tuzilgan va uning shahar bilan aloqasi juda kuchli," - dedi Laporta.

Xans-Diter Flikning "Barselona" bilan amaldagi mehnat shartnomasi 2027 yilning yarmigacha mo'ljallangan.