"Yuventus" "Barsa" transfer maqsadini ilib ketishiga ishonmoqda

 12 YANVAR, 2026, 13:06

"Bornmut" markaziy himoyachisi Markos Senesi "Yuventus" e'tibor markazida qolmoqda.

28 yoshli futbolchining "giloslar" bilan shartnomasi yarim yildan so'ng yakuniga etadi. Uni turinliklar erkin agent sifatida o'z safiga qo'shib olmoqchi. Tuttosport nashrining xabar berishicha, "Yuventus" futbolchiga "Barselona"dan qiziqish bo'layotganiga qaramay, kelishuvni amalga oshira olishiga ishonmoqda.

Markos Senesining Transfermarkt portalidagi narxi 22 mln evroga baholanmoqda. Joriy mavsumda markaziy himoyachi "Bornmut" safida barcha musobaqalarda 22 ta o'yinda maydonga tushib, 4 ta golli uzatmani amalga oshirdi.