Brisbane International. Medvedev faoliyatidagi 22-sovrinni qo'lga kiritdi

 12 YANVAR, 2026, 12:48

Dunyoning 13-raketkasi bo'lib turgan rossiyalik tennischi Avstraliyaning Brisben shahrida yakuniga etgan ATP 250 toifasiga kiruvchi turnir g'olibiga aylandi.

Daniil Medvedev hal qiluvchi final bahsida ATP reytingida 33-pog'onadan joy olgan amerikalik Brendon Nakashimani ikki set natijasiga ko'ra mag'lubiyatga uchratdi - 6/2, 7/6(1). Tennischilarning o'zaro uchrashuvlaridagi hisob yiriklashdi - 3:0. To'qson olti daqiqa davom etgan final bahsida Medvedev 10, Nakashima 3 ta eys zarbasini amalga oshirgan. 

Brisbendagi kubok Daniil uchun faoliyatidagi 22-sovrin bo'ldi. Bu 22 ta chempionlik dunyoning turli shaharlari va turnirlarida qo'lga kiritilgan. Yani, Medvedev hech bir turnirda ikki marotaba chempion bo'lmagan. 20 ta chempionlikka xard qoplamali kortlarda erishilgan. U bir haftalik mehnatidan 250 reyting ochkosi va 114 060 $ mukofot puli ishlab oldi. Nakashima esa 165 ochko va 66 555 dollarga ega chiqdi.

Manba: olamsport.com