"Barselona" ustozi g'alabadan so'ng nimalar dedi?

 12 YANVAR, 2026, 09:16

Ispaniya Superkubogidagi g'alabadan so'ng "Barselona" bosh murabbiyi Xans-Diter Flik o'z fikrlarini bildirdi.

"Bu muhim final edi. "Real"ga qarshi o'yinlar har doim ajoyib bo'ladi. Biz aynan xohlaganimizdek o'ynadik.

Yigitlar bilan faxrlanaman, biz juda yaxshi o'ynadik, to'pni va o'yinni nazorat qildik. Oqibatda butun jamoa biz xohlagan tarzda o'ynadi. Oxirigacha qiyin bo'ldi, lekin biz jamoa sifatida kurashdik — bu juda tasirli.

Rafinya? Uning mentaliteti hayratlanarli, bizda boshqa o'yinchilar bor, lekin u butun jamoaga tasir qiladi. U birinchi imkoniyatni qo'ldan boy berdi, lekin ikkinchisidan foydalanib, bizga ustunlikni berdi. O'zingiz ko'rganingizdek, biz juda katta bosim ostida edik", — deya fikr bildirdi germaniyalik mutaxassis.

Manba: olamsport.com