Eron U23 bosh murabbiyi: «O'zbekiston ustidan g'alaba qozonishni istagandik»

 11 YANVAR, 2026, 12:06

Eron U23 terma jamoasi bosh murabbiyi Umid Ravanxoh O'zbekistonga qarshi bahsdan keyin o'z fikrini bildirar ekan, 1-turda Janubiy Koreya bilan 0:0 hisobida durang o'ynaganidan keyin bu gal uch ochko kutganini aytdi.

«Biz mazkur o'yinga g'alaba uchun kelgan edik. Lekin futbolchilarim bor kuchini ishga soldi, harakat qildi. Ularga sa'y-harakatlari va fidoyiligi uchun minnatdorman», — dedi Ravanxoh.

«Bugun yuzaga kelgan imkoniyatlardan to'liq foydalana olmadik. Endi hujumlar paytida yanada diqqatli bo'lishimiz kerak», — dedi murabbiy.