"Chelsi" 2008 yildan beri yangi murabbiyning birinchi o'yinida eng yirik g'alabani qo'lga kiritdi

 11 YANVAR, 2026, 05:06

Londonning "Chelsi" klubi Angliya kubogining 3-raundida safarda "Charlton" ustidan ishonchli g'alabaga erishdi - 5:1. Bu klubning yangi ustozi Liam Rosenor uchun birinchi o'yinda sodir bo'ldi. Eslatib o'tamiz, avvalroq aynan u muddatidan avval iste'foga chiqarilgan italiyalik mutaxassis Entso Mareskaning o'rnini egallagandi.

Ma'lum bo'lishicha, bu London klubining 2008 yildan beri yangi murabbiy bilan birinchi o'yindagi eng yirik g'alabasi bo'lgan. O'shanda Luis Felipe Skolari "Chelsi"ni boshqargan va o'sha yilning avgust oyidagi birinchi o'yinidayoq "Portsmut"ni 4:0 hisobida mag'lub etgan.