Rosenor - Kontedan keyin "Chelsi"ning dastlabki o'yinida g'alaba qozongan birinchi murabbiyi

 11 YANVAR, 2026, 05:00

Londonning "Chelsi" klubi Angliya kubogining 3-raundida "Charlton" ustidan ishonchli g'alabaga erishdi - 5:1. Bu klubning yangi ustozi Liam Rosenor uchun birinchi o'yinda sodir bo'ldi. Ma'lum bo'lishicha, mutaxassis qariyb o'n yil ichida "Chelsi" boshqaruvidagi ilk o'yinda g'alaba qozongan ilk murabbiyga aylangan.

Oxirgi marta 2016 yilning avgustida italiyalik mutaxassis Antonio Konte bunga erishgan edi. O'shanda jamoa Londonning "Vest Xem" klubi ustidan 2:1 hisobida g'alaba qozongan edi. O'shandan beri "Chelsi" boshqaruvida to'qqiz nafar mutaxassis paydo bo'ldi, ammo ularning hech biri birinchi o'yinda g'alaba qozona olmadi.