Turkiya Superkubogi. «Fenerbahche» finalda «Galatasaroy»ni taslim qilib, chempionga aylandi

 10 YANVAR, 2026, 23:00

"Fenerbahche" Turkiya Superkubogi uchun bahsda "Galatasaroy"ni mag'lub etdi - 2:0.

Uchrashuvning 28-daqiqasida "Fenerbahche" yarim himoyachisi Matteo Genduzi hisobni ochdi. 8 yanvar kuni u "Latsio"dan Turkiya klubiga o'tgan edi. 48-daqiqada Jeyden Ostervold hisobni ishonchli ko'rinishga olib keldi.

"Fenerbahche" Domeniko Tedesko qo'l ostida birinchi sovrinni qo'lga kiritdi. Shuningdek, jamoa Superkubokdagi g'alabalar soni bo'yicha "Beshiktosh" va "Trabzonspor"ga etib oldi - 10 tadan sovrin. "Galatasaroy" 17 ta g'alaba bilan turnir rekordchisi bo'lib qolmoqda.

Turkiya Superkubogi. Final
10 yanvar. 20:45. Otaturk stadioni (Istanbul)
Galatasaroy - Fenerbahche - 0:2
Gollar: 28' 0:1 - M. Genduzi (L. Merkan), 48' 0:2 - J. Ostervold (M. Asensio).