Flik Superkubok finalidagi tarkib haqida o'z fikrlarini bildirdi
10 YANVAR, 2026, 17:54
"Barselona" bosh murabbiyi Xans-Diter Flik "Real"ga qarshi Ispaniya Superkubogi finali oldidan jurnalistlar bilan suhbatlashdi.
Germaniyalik mutaxassis boshlang'ich tarkib haqidagi savolga javob berdi.
- Boshlang'ich tarkibni aniqlab bo'ldingizmi yoki hali mashg'ulotlar o'tkazish kerakmi?
- Men doim bir gapni aytaman: bizda oxirgi mashg'ulot bor, undan keyin hal qilamiz. Barcha pozitsiyalarda variantlarga ega bo'lish muhim. Hamma o'ynashni xohlaydi, lekin asosiysi - jamoa va to'g'ri qaror", - dedi Flik.
