Afrika millatlar kubogi. Senegal ko'pchilikda o'ynab, Malini mag'lub etdi va yarim finalga chiqdi (videosharh)

 10 YANVAR, 2026, 00:00

Afrika millatlar kubogi chorak final bosqichidan o'rin olgan ilk o'yin yakuniga etdi. Unda Mali va Senegal terma jamoalari maydonga tushdi. O'yin Marokashdagi «Stad Ibn-Batuta» stadionida bo'lib o'tdi. Uchrashuvda Senegal  1:0 hisobida g'alabani qo'lga kiritdi.

Bahsning yagona golini Senegal hujumchisi Iliman Ndiaye 27-daqiqada kiritdi. Birinchi taymga qo'shilgan vaqtda Mali terma jamoasi yarim himoyachisi Iv Bissuma ikkinchi sariq kartochka uchun maydondan chetlatildi.

Yarim finalda Senegal terma jamoasi Misr va Kot-d’Ivuar bahsining g'olibi bilan to'qnashadi.

Afrika millatlar kubogi. 1/4 final
2026 yil 9 yanvar, juma. 21:00
Mali — Senegal 0:1
Gol: 0:1 — Ndiaye (27')
Chetlatish: Bissuma (45+3') — ikkinchi sariq kartochka

Manba: stadion.uz