"Barselona" mo'maygina daromaddan quruq qolishi mumkin
9 YANVAR, 2026, 21:06
Mundo Deportivo nashrining xabar berishicha, ta'mirlangan "Kamp Nou"ga qaytgan "Barselona" hozirda shimoliy tribunadan foydalana olmayapti.
Ispaniya klubi hozirda 45 000 tomoshabinga mo'ljallangan stadionga ega. Rahbariyat stadionga tashrif buyuruvchilarni 62 000 kishiga etkazish uchun shimoliy tribunaning ochilishini intiqlik bilan kutayotgan edi, ammo bu borada qiyinchiliklarga duch keldi.
Barselona shahri kengashi qo'shimcha batafsil qurilish hujjatlarini so'radi, bu esa yangi muxlislar o'rindiqlarining ochilishini fevral oyining o'rtalari yoki oxirigacha kechiktirishi mumkin.
