WBA chempioni Armando Resendis Bektemir Meliqo'ziev o'rniga boshqa bokschi bilan jang qilish niyatida - manba

 9 YANVAR, 2026, 18:48

Prof boksning super o'rta vazn toifasida WBA yo'nalishi bo'yicha jahon chempioni, meksikalik Armando Resendis ilk himoya jangini kimga qarshi o'tkazishi haqida malumotlar tarqaldi.

ESPN nashri muxbiri Salvador Rodrigesning xabar berishicha, Resendis ilk himoya jangini majburiy davogar bo'lib turgan o'zbekistonlik Bektemir Meliqo'zievga qarshi emas, ixtiyoriy ravishda o'z hamyurti Xayme Mungiyaga qarshi o'tkazmoqchi. 

Hozirda aynan mazkur jangni tashkil etish bo'yicha muzokaralar olib borilayotgani aytilmoqda.

Avvalroq, Bektemir Meliqo'zievning menejeri Alik Frolov ham Resendisning yurtdoshimiz bilan jang qilmoqchi emasligini aytib o'tgandi.

Manba: olamsport.com