"Barsa" Kanselu transferini ortga surdi

 9 YANVAR, 2026, 17:36

Kataloniyaning "Barselona" klubi "Al-Hilol" qanot himoyachisi Joau Kanseluni o'z safiga qo'shib olganini e'lon qilishga shoshilmayapti.

Mundo Deportivo xabariga ko'ra, "ko'k-anorranglilar" 31 yoshli portugaliyalik bilan faqatgina Ispaniya Superkubogi finalidan keyin shartnoma imzolaydi.

Barcha diqqat e'tibor “Real Madrid”ni yutib, ketma ket ikkinchi marta ushbu sovrinni yutishga qaratilgan.

Hal qiluvchi o'yin 11 yanvar kuni bo'lib o'tadi.