Simeone «Atletiko» — «Real» uchrashuvida Vinisius bilan bo'lgan mojaro haqida fikr bildirdi (video)

 9 YANVAR, 2026, 09:00

«Atletiko» bosh murabbiyi Diego Simeone Ispaniya Superkubogi yarim finalida «Real»ga qarshi o'yinda (1:2) hujumchi Vinisius bilan yuzaga kelgan mojaro xususida o'z fikrini bildirdi.

«Aytadigan gapim yo'q. Bolaligimizdan o'rgatilganidek, maydonda nima bo'lsa, o'sha erda qoladi. Qo'shimcha qiladigan narsam yo'q. Mojaro? Esimda yo'q, xotiram qisqa», — deya Simeonening so'zlarini Into The Calderon nashri keltiradi.

Musobaqa finalida 11 yanvar kuni «Barselona» va «Real» o'zaro to'qnash keladi. Ayni paytda Ispaniya Superkubogi sohibi — «Barselona». 2025 yilgi finalda kataloniyaliklar «Real»ni 5:2 hisobida yirik mag'lub etgan edi.