Messi faoliyatini yakunlagandan keyin nima ish bilan shug'ullanishini aytdi

 7 YANVAR, 2026, 09:00

«Inter Mayami» klubi va Argentina milliy terma jamoasi hujumchisi Lionel Messi futbolchilik faoliyatini yakunlagandan keyin o'zini qaysi rolda ko'rishini aytdi.

«Rostini aytsam, o'zimni murabbiy sifatida tasavvur qilmayman. Menga boshqaruvchi bo'lish g'oyasi yoqadi, ammo tanlashga to'g'ri kelsa, klub egasi rolini afzal ko'rar edim. O'z klubimga ega bo'lib, uni eng quyi bosqichlardan boshlab rivojlantirish, yosh futbolchilar va boshqa odamlarga o'sish hamda muhim natijalarga erishish imkoniyatini berish — meni eng ko'p jalb qiladi», — deya Messining so'zlarini Ole nashri LUZU TV’ga tayanib keltiradi.