Kezaning "Yuventus"ga qaytish pozitsiyasi ma'lum

 7 YANVAR, 2026, 08:18

"Yuventus" "Liverpul" vingeri Federiko Kezaning qaytishiga qiziqish bildirmoqda. Bir yarim yil oldin italiyalik futbolchi Italiyadan Angliyaga ko'chib o'tgan edi.

Jurnalist Janluka di Martsioning yozishicha, 28 yoshli futbolchiga A Seriya vakillaridan bir necha bor takliflar bo'lgan: masalan, Evropa chempionini "Napoli" va "Roma" taklif qilgan, biroq u rad javobini bergan. "Yuventus" bilan vaziyat boshqacha: "keksa sinora" bosslari futbolchining agentlari bilan bog'lanishdi - u transferga qarshi emas.

Turinliklar Kezani ijaraga olmoqchi, ammo "Liverpul"ga bunday variant ma'qul kelmayapti - ingliz klubi to'liq transferni ma'qul ko'rmoqda.