Di Martsio: "Menyanning shartnomasini uzaytirish har qachongidan ham yaqin"

 7 YANVAR, 2026, 05:24

Italiyalik nufuzli jurnalist Janluka di Martsio "Milan" frantsiyalik darvozabon Mayk Menyan bilan shartnomani uzaytirish bo'yicha muzokaralarda muvaffaqiyat qozonganini tasdiqladi. Uning so'zlariga ko'ra, tomonlar har qachongidan ham kelishuvga yaqin.

"Tomonlar kelishuvga har qachongidan ham yaqinroq. Katta ehtimol bilan shartnoma 2031 yilgacha uzaytiriladi va Menyan gonorari Leau bilan bir xil bo'ladi. Tez orada hammasi uzil-kesil oydinlashadi," - deya jurnalistning so'zlarini keltiradi pianetamilan.it.

Eslatib o'tamiz, Menyan bilan amaldagi shartnoma 2026 yilning yozida yakuniga etadi. U 2021 yildan beri "Milan"da o'ynab kelmoqda va klub bilan birinchi mavsumdayoq Italiya chempioni bo'lgan.