Flik Superkubokda asosiy darvozabon kim bo'lishini aytdi

 6 YANVAR, 2026, 21:18

"Barselona" bosh murabbiyi Xans-Diter Flik Ispaniya Superkubogi yarim finalidan o'rin olgan "Atletik"ka qarshi o'yin oldidan matbuot anjumanida qatnashdi.

Germaniyalik mutaxassisdan asosiy darvozabon kim bo'lishi so'raldi. "Ko'k-anorranglilar" ustozi buni sir saqlab o'tirmadi.

- Joan Garsiya, - javob berdi Flik.

Eslatib o'tamiz, "Barselona"ning Ispaniya Superkubogi uchun qaydnomasida uchta darvozabon bor - Joan Garsiya, Voytsex Shesni va Mark-Andre ter Shtegen.

"Barselona" va "Atletik" 7 yanvar, chorshanba kuni Ispaniya Superkubogi yarim finalida to'qnash keladi.