Hammasi Husanovga qoldi: Ruben Diash ham uzoq vaqtga safdan chiqdi

 6 YANVAR, 2026, 17:54

"Manchester Siti" markaziy himoyachisi Ruben Diash "Chelsi"ga qarshi o'yinda tizza osti payini shikastlab olgani ma'lum bo'ldi.

Tekshiruvlardan so'ng 28 yoshli portugaliyalik futbolchi kamida 6 haftani o'tkazib yuborishi aniqlandi.

Avvalroq, jamoaning boshqa bir markaziy himoyachisi Yoshko Gvardiol katta boldir suyagini sindirib olgani sabab 3-6 oyga safdan chiqqan edi.

Endi "shaharliklar" markaziy himoyada asosiy futbolchi sifatida Abduqodir Husanovga tayanadi. Jamoa 7 yanvar kuni APLda "Brayton"ni qabul qiladi.