Kanselu yana "Barselona"da: bitim tafsilotlari oshkor qilindi

 6 YANVAR, 2026, 08:24

Joau Kanselu "Barselona"ga qaytishga yaqin turibdi. Kataloniya klubi "Al-Hilol" bilan portugaliyalik himoyachini mavsum oxirigacha ijaraga olishga kelishib oldi.

Fabritsio Romanoning ma'lum qilishicha, kelishuv summasi to'rt million evroni tashkil etadi. Shuningdek, futbolchining "Barselona"dagi maoshi besh million evro atrofida bo'lishi ham ma'lum. Transfer haqidagi rasmiy e'lon tez orada e'lon qilinishi mumkin.

Kanselu jarohat olib, kamida 4 oyga safdan chiqqan Andreas Kristensen o'rniga ro'yxatdan o'tkaziladi.

Joriy mavsumda 31 yoshli Kanselu 6ta o'yinda maydonga tushib, 1ta gol urgan va 2ta golga hammualliflik qilgan.