«Monako» asosiy futbolchisi xochsimon bog'lam jarohatini oldi

 6 YANVAR, 2026, 07:30

"Monako" himoyachisi Muhammad Salisuga chap tizzasining oldingi xochsimon bog'lami yirtilgani tashxisi qo'yildi, deya xabar berdi klub matbuot xizmati.

"Klub Muhammadga tiklanish jarayonida hamrohlik qiladi va to'liq qo'llab-quvvatlaydi," - deyiladi xabarda.

Avvalroq "Monako"ning yaponiyalik yarim himoyachisi Takumi Minamino ham shunday jarohat olgandi.

26 yoshli ganalik Salisu 2025/26 yilgi mavsumda 18 ta o'yinda maydonga tushib, 1 ta gol urgan. Uning shartnomasi 2028 yilning 30 iyuniga qadar amal qiladi. Futbolchi "Monako"da 2023/24 yilgi mavsumdan buyon to'p tepib kelmoqda.