"Manchester Yunayted" mavsum oxirigacha yangi murabbiy tanladi

 5 YANVAR, 2026, 15:54

Bugun, 5 yanvar kuni "Manchester Yunayted" portugaliyalik mutaxassis Ruben Amorimni iste'foga chiqardi. U 2024 yilning kuzidan buyon klubda ishlab kelayotgan edi.

Jurnalist Devid Ornshteynning ma'lum qilishicha, mankunianliklar safida futbolchi sifatida to'p tepgan shotlandiyalik Darren Fletcher "qizil iblislar" boshqaruvchi vazifasini bajaruvchi etib tayinlangan. U mavsum yakuniga qadar jamoani boshqaradi.

Ayni damda "Manchester Yunayted" 31 ochko bilan Angliya premer-ligasi turnir jadvalida oltinchi o'rinda bormoqda. So'nggi turda mankunianliklar "Lids" bilan 1:1 hisobida durang o'ynagan edi.