Abduqodir Husanovning «Chelsi»ga qarshi bahsdagi o'yini qanday baholandi?

 5 YANVAR, 2026, 11:18

Flashscore.com sayti Angliya Premer-ligasining 20-turi doirasida bo'lib o'tgan «Chelsi»ga qarshi o'yinda (1:1) «Manchester Siti»ning o'zbekistonlik himoyachisi Abduqodir Husanovning o'yiniga baho berdi.

Husanov uchrashuvning 51-daqiqasida jarohat olgan Yoshko Gvardiol o'rniga maydonga tushdi. Husanov kechagi bahsdagi ishtiroki uchun 6,7 ballga loyiq ko'rildi — bu uchrashuvda qatnashgan «Manchester Siti» futbolchilari orasida to'rtinchi eng past baholardan biri bo'ldi.

Joriy mavsumda Abduqodir Husanov «Manchester Siti» safida barcha musobaqalarda jami 10 ta o'yin o'tkazdi. «Siti» APLdagi keyingi uchrashuvini 7 yanvardan 8 yanvarga o'tar kechasi «Brayton»ga qarshi o'tkazadi.