"Manchester Yunayted" va "Tottenxem" bir hujumchiga da'vogarlik qilmoqda

 4 YANVAR, 2026, 12:54

"Kristal Pelas" hujumchisi Jan-Filipp Mateta Angliya Premer-ligasining boshqa klublari qiziqishlari doirasiga tushib qoldi.

28 yoshli futbolchiga "Manchester Yunayted" va "Tottenxem" klublari da'vogarlik qilmoqda, deya xabar beradi TEAMtalk. Biroq, manbaning aniqlik kiritishicha, "Kristal Pelas" frantsiyalik futbolchini qishki transfer oynasida sotish imkoniyatini butunlay istisno qilmoqda.

Jan-Filipp Mateta Angliya chempionatining joriy mavsumida Oliver Glasner jamoasi safida 19 ta o'yinda 8 ta gol urdi. Mashhur Transfermarkt portali ekspertlari "burgutlar" forvardining narxini 40 mln evroga baholamoqda. Futbolchining amaldagi shartnomasi 2027 yilning yarmigacha mo'ljallangan.