«Espanol» muxlislari «Barselona» urgan gollarga jiday olishmadi (foto)
4 YANVAR, 2026, 03:24
"Espanol" muxlislari Kataloniya derbisi vaqtida stadionda o'zini tutish qoidalarini buzishdi.
La Liga 18-turidan o'rin olgan o'yinda "Barselona" 2:0 hisobida g'alaba qozondi. Uchrashuvning 86-daqiqasida mehmonlar hisobni ochgan bo'lsa, 90-daqiqada oradagi farqni oshirdi.
Ikkinchi goldan so'ng "RCDE Stadium" tribunalarida o'tirgan muxlislar golni nishonlayotgan "Barselona" futbolchilariga suv idishlar ota boshlashdi. Ularning birortasi ham o'yinchilarga tegmagan.
