La Gazzetta Dello Sport: "Al-Hilol" va Kanselu ertagi yakunlandi!
3 YANVAR, 2026, 17:54
Saudiya Arabistonining "Al-Hilol" klubi jamoa himoyachisi Joau Kanselu bilan xayrlashishi aniq bo'lib ulgurdi.
La Gazzetta Dello Sport nashri xabariga ko'ra, 31 yoshli portugaliyalik futbolchi riyodliklarning barcha turnirlar uchun qaydnomasidan rasman chiqarib tashlangan. U qishda boshqa jamoaga o'tishi mumkin.
Kanselu hozirda Saudiyada yiliga 15 million evro maosh oladi. Amaldagi shartnoma 2027 yil yozigacha mo'ljallangan.
Joauning o'zi "Barselona"ga qaytishni istamoqda. Unga "Inter" va "Yuventus" ham qiziqish bildirmoqda.
