«Bavariya» futbolchisining talablari «Milan»ga og'irlik qiladi

 2 YANVAR, 2026, 08:42

"Bavariya"ning koreyalik markaziy himoyachisi Kim Min Je Italiya A Seriyasiga qaytishi mumkin. Florian Plattenberg xabariga ko'ra, unga "Milan" qiziqish bildirmoqda.

Manbaning yozishicha, futbolchining yiliga 12 million evrolik maosh talablari ushbu transferga to'siq bo'lishi mumkin. Shuningdek, u "Bavariya"dan ketishni istamayapti.

Ma'lumot o'rnida. Kim Min Je avval Italiyada "Napoli" sharafini himoya qilgan va jamoa bilan 2022/23 yilgi mavsumda A Seriya chempioni bo'lgan.