Sherzod Nasrullaev «Nasaf»ni tark etdi
1 YANVAR, 2026, 21:30
«Nasaf» futbol maktabi tarbiyalanuvchisi, himoyachi Sherzod Nasrullaev "ajdarlar" bilan xayrlashmoqda.
Sherzod «Nasaf» safida to'p surgan yillari davomida O'zbekiston Superligasida ikki marta kumush, ikki marta bronza va bir marta oltin medallarni, shuningdek uch marta O'zbekiston kubogi hamda uch marta O'zbekiston Superkubogini qo'lga kiritdi.
"Erishilgan barcha ushbu yutuqlardagi hissasi uchun Sherzodga alohida minnatdorlik bildiramiz va uning keyingi faoliyatida ulkan omad tilaymiz!", — deyiladi "Nasaf" matbuot xizmati tarqatgan xabarda.
