Luka Modrich: «Tatuirovkalar hech qachon menga yoqmagan»

 1 YANVAR, 2026, 14:48

«Milan» klubi va Xorvatiya terma jamoasi yarim himoyachisi Luka Modrich tatuirovkalarga bo'lgan munosabati haqida fikr bildirdi. Xavbekning aytishicha, u tatuirovkalarni yoqtirmaydi.

— Deyarli barcha futbolchilarda tatuirovka bor, sizda esa yo'q. Nima uchun?
— Chunki menga yoqmaydi. Hech qachon yoqtirmaganman. Balki ba'zilarini yoqtirishim mumkin, ayrim paytlarda ular chiroyli ham bo'ladi, lekin boshqalarning tanasida. Mening badanimda esa — yo'q. Albatta, tatuirovka qildirganlarga nisbatan hech qanday qarshiligim yo'q, — deya Modrichning so'zlarini Corriere della Sera keltiradi.