Karrager "Arsenal"ning "Aston Villa" ustidan qozongan g'alabasiga munosabat bildirdi

 31 DEKABR, 2025, 13:24

"Liverpul"ning sobiq himoyachisi Jeymi Karrager "Arsenal"ning "Aston Villa"ga (4:1) qarshi o'yini haqida fikr bildirdi.

"Villa" barcha turnirlarda ketma-ket 11 g'alabadan iborat seriya qayd etib, APL turnir jadvalida uchinchi o'ringa ko'tarilib olgandi. "Emireyts"dagi o'yin oldidan birmingemliklar "kanonirlar"dan bor-yo'g'i uch ochko ortda borayotgandi.

"Arsenal" uchun ko'p jihatdan eng muhim g'alaba. Haqiqiy kuchli raqibga qarshi mavsumdagi ilk muvaffaqiyat. Jamoa to'rtta gol urib, xotirjamlikni ta'minladi. "Arsenal"ga bunday o'yin kerak edi," - dedi Karrager Sky Sports telekanali efirida o'yin natijasi haqida gapirar ekan.