«Yunayted» 19 yoshli futbolchining xaridi uchun 100 million evro sarflashi mumkin
31 DEKABR, 2025, 12:42
Germaniyaning "RB Leyptsig" klubi hujumkor yarim himoyachisi Yan Diomande tumanli Albionga ko'chib o'tishi mumkin, deya xabar bermoqda Sky Sports.
19 yoshli futbolchini "Manchester Yunayted" o'z safiga qo'shib olmoqchi. "Qizil-oqlar" yanvar oyidagi transferlar vaqtida futbolchini o'z safiga qo'shib olishga urinib ko'rmoqchi. Germaniyaliklar o'z iste'dodini 100 million evroga baholamoqda.
Joriy mavsum Germaniya chempionatida 19 yoshli ivuarlik 14 ta o'yin o'tkazib, 6 ta gol va 2 ta golli uzatmani o'z hisobiga yozdirib qo'ydi.
Yanning "buqalar" bilan mehnat shartnomasi 2030 yilning yarmigacha mo'ljallangan. Uning bozor qiymati 45 million evroni tashkil etadi.
