Xyoylund nima sababdan «MYu»ni tark etganini ma'lum qildi

 31 DEKABR, 2025, 12:18

"Napoli" markaziy hujumchisi Rasmus Xyoylund "Manchester Yunayted"ni tark etish sababini aytdi. Daniyalik hujumchi Italiya jamoasida ijara asosida harakat qilmoqda.

"Yunayted"da menga qiziqish yo'qligini aytishdi. Neapoldan qiziqish borligini bilishim bilanoq darhol rozilik bildirdim. Biz bir necha uchrashuv o'tkazdik va kelishuvni rasmiylashtirdik," - deya daniyalikning so'zlarini keltiradi Sports Illustrated.

Rasmus 2025/2026 yilgi mavsumda 19 ta o'yinda qatnashib, ettita gol urgan va uchta golli uzatmani amalga oshirgan.

22 yoshli hujumchining neapolliklar bilan ijara shartnomasi 2026 yilning iyun oyi oxirigacha mo'ljallangan.