Xames Rodriges faoliyatini qaerda davom ettiradi?

 31 DEKABR, 2025, 12:12

Madridning "Real" klubi sobiq yarim himoyachisi Xames Rodriges MLSga ko'chib o'tish variantlariga ega. Marca nashri jurnalistlari tarqatgan xabarga ko'ra, kolumbiyalik yulduz futbolchining xizmatlariga Shimoliy Amerika chempionatining bir qator klublari qiziqish bildirmoqda.

Xames Meksikaning "Leon" klubi bilan mehnat shartnomasi tugagani sababli yangi klubiga tekinga o'tadi. 34 yoshli yarim himoyachi ushbu jamoada 2025 yil davomida to'p tepgan.

Meksika chempionatining joriy mavsumida Rodriges 14 ta o'yinda ishtirok etdi. Yarim himoyachi o'z hisobiga 3 ta gol va 2 ta golli uzatmani yozdirib qo'ydi. Futbolchining bozor narxi 2,5 million evroga baholanmoqda.