Niderlandiya klubi London jamoasidan tushgan taklifni rad etdi

 30 DEKABR, 2025, 23:42

Niderlandiyaning PSV klubi Angliyaning "Fulxem" klubining hujumchi Rikardo Pepini sotib olish taklifidan qoniqmadi. Bu haqda The Athletic xabar berdi.

Manbaga ko'ra, Pepining 30 million evrolik ilk transfer taklifi etarlicha jozibador bo'lmagani uchun rad etilgan. "Fulxem" taslim bo'lmoqchi emas va amerikalik hujumchi uchun yangi taklif bilan chiqmoqchi.

Yanvar oyida 23 yoshga to'ladigan Pepi PSV safida barqaror o'yin ko'rsatmoqda. U joriy mavsumda 21 ta o'yinda 10 ta gol va 2 ta golli uzatmani amalga oshirgan bo'lsa, o'tgan mavsumda 29 ta o'yinda 18 ta gol va 3 ta golli uzatmani amalga oshirgan. Fevral oyida u klub bilan 2030 yilning iyunigacha mo'ljallangan yangi shartnoma imzoladi.