«Dyokereshdan Portugaliyadagidek ko'p gollar kutish noto'g'ri» – «Arsenal» sobiq yarim himoyachisi

 30 DEKABR, 2025, 18:18

Londonning "Arsenal" klubi sobiq yarim himoyachisi Jermeyn Pennant hujumchi Viktor Dyokereshning o'yinlariga izoh berdi.

Futbolchi 2025 yil yozida Lissabonning "Sporting" klubidan 65,8 million evro evaziga "kanonirlar" safiga qo'shildi.

"Dyokeresh Lissabondagidek gol urishini kutish noto'g'ri. Bu APL, Portugaliya ligasi emas. "Benfika" safida 30 tadan ko'p gol urgan Darvin Nunes "Liverpul"ga o'tdi va bunday natija ko'rsatmadi. Lekin baribir u "Liverpul"da o'zini yaxshi ko'rsatdi, deb hisoblayman," - deya Pennantning so'zlarini keltiradi The Mirror.

Nunes "Liverpul" safida 126 ta o'yinda 40 ta gol urgan bo'lsa, Dyokeresh "Arsenal" safida 20 ta o'yinda 7 ta gol urgan.