"Milan" Frantsiya terma jamoasi hujumchisiga qiziqish bildirmoqda

 30 DEKABR, 2025, 16:24

"Kristal Pelas" hujumchisi Jan-Filipp Mateta hamon Italiyaga ko'chib o'tish variantiga ega. Futbolchiga "Milan" jiddiy da'vogarlik qilmoqda. Bu haqda jurnalist Fabritsio Romano xabar bermoqda.

Manbaga ko'ra, Matetaning o'zi ham A Seriyaga ko'chib o'tishga ijobiy qaramoqda.

"Milan" Mateta transferini shu qishda rasmiylashtirmoqchi. Biroq, italyan klubi istalgan yangi futbolchini xotirjamlik bilan qo'lga kiritishi uchun bir qator transfer masalalarini hal qilishi kerak. Agar qishda buning uddasidan chiqilmasa, "Milan" yozda Mateta nomzodiga qaytadi.