"Real" zaxirasida qolib ketayotgan hujumchi "Yuventus"ga o'tishi mumkin

 30 DEKABR, 2025, 13:54

Madridning "Real" klubi hujumchisi Gonsalo Garsiya "Yuventus" qiziqishlari doirasiga tushib qoldi.

21 yoshli futbolchi "qaymoqranglilar"ning asosiy tarkibida deyarli ko'rinmayapti, ammo transfer bozorida talabga ega bo'lib qolmoqda. Ispaniyalik futbolchiga Italiyaning "Yuventus" klubi yangi da'vogar bo'lib turibdi, bu haqda insayder Janluka di Martsio xabar berdi. Manbaga ko'ra, "byankonerilar" bosslari hujumchini o'z jamoasida ko'rishni juda ham istashmoqda.

Transfermarkt portali Gonsalo Garsiyaning narxini 15 mln evroga baholamoqda. Joriy mavsumda "Real" akademiyasi tarbiyalanuvchisi Xabi Alonso jamoasining 17 ta o'yinida qatnashib, biror marta ham raqib darvozasini ishg'ol etmadi va bir marta golli uzatmani amalga oshirdi.